Louis Vuitton 2025-nji ýylyň güýz-gyş kolleksiýasyny hödürledi. Kreatiw direktor Nikolýa Žeskýer bu kolleksiýany syýahatlardan we 80-nji ýyllaryň ruhundan ylham alyp taýýarlady diýip, «Elle» habar berýär.
Modeller podiumda futurizmiň we klassykanyň utgaşmasyny görkezdi: aç-açan doždewikler, deri kargo-bermuda şortikler, gymmatbahaly daşlar bilen bezelen mahmal köýnekler. Toplar we köýnekler hrustal detallar bilen bezelen. Uly penjekler, giň sumkalar, golflar (dyzdan geçýän joraplar) we açyk reňkli baş geýimleri bilen jemlendi.
Soňky çykyşda modeller penjireleriň fonunda durdular, bu bolsa Ormond Žiguliniň 1960-njy ýylda düşüren «Penjirelerdäki gyzlar» (Девушки в окнах) atly suratyna salgylanma boldy.
«Men ilki umumy bir zat hakda pikir etdim, ýagny wokzalyň platformasy. Bärde adamlar duşuşýar we hoşlaşýar, bile bolanyna begenýär ýa-da aýrylanlaryna gynanýar. Bir gezek görseňem nazary bilen size täsir edip biljek adamlar» — diýip, Žeskýer düşündirdi.
Şou L’Étoile du Nord binasynda geçirildi – ýakyn wagtda täzeden dikeldilen bu bina ozal demir ýol kompaniýasynyň baş edarasy bolan eken.
Kolleksiýa taýýarlanylmazdan ozal, Žeskýer öz topary bilen demir ýollara bagyşlanan kinofilmler barada maslahatlaşypdyr. Onuň iň halaýanlarynyň arasynda Wong Karwaýyň «2046» we Maýkl Kýortisiň «Kasablanka» filmleri bar eken. Ýaş kärdeşleri bolsa «Açlyk oýunlaryny» (Голодные игры) we «Garri Potter» filmlerini agzap geçipdirler.
Täze kolleksiýa rahat jalbarlary, funksional şortikleri, eplenip duran ýakaly parkalary, mahmal halat-paltolary, garyşyk stiller bilen döredilen daşky eşikleri we üýtgeşik sumkalary öz içine alýar. Mundan başga-da, kosmos gämileriniň şekilleri bilen bezelen kostýumlar we «Space Age» stilindäki botilýonlar hödürlendi.
