Frederik Arno Loro Piana-nyň baş müdiri wezipesine bellendi. Bu barada «Vogue Business» neşiri habar berýär.
Loro Piana – LVMH konglomeratyna degişli, ýüň we kaşmirden tikilýän lýuks egin-eşikleri öndürýän italýan brendidir. Mundan ozal kompaniýanyň ýolbaşçysy Damýen Bertran bolupdy, ol indi Louis Vuitton-yň baş müdiriniň orunbasary wezipesine geçýär. Geçiş döwründe Frederik Arno onuň bilen bile işleşer.
Häzirki wagtda Bernar Arnonyň üçünji ogly LVMH-iň sagat bölümini dolandyryp, Tag Heuer, Hublot we Zenith brendlerine gözegçilik edýär. «Vogue Business» neşiriniň bellemegine görä, onuň täze wezipesi «berk lýuks» harytlaryndan (sagatlardan, şaý-seplerden) LVMH-iň esasy ugry bolan moda dünýäsine geçişini aňladýar.
Holdingiň içinde başga-da kadr üýtgeşmeleri boldy: Fendi brendiniň ýolbaşçysy Pýer-Emmanuel Anželoglu Dior-a geçer we baş müdiriň orunbasary wezipesini eýelär.
Arnonyň maşgalasynyň beýleki agzalary hem LVMH-de ýokary wezipeleri eýeleýärler. Delfina Arno Christian Dior Couture-yň ýolbaşçysy, Antuan Arno Loro Piana-nyň aragatnaşyk we direktorlar geňeşine gözegçilik edýär, Aleksandr Arno çakyr bölümini dolandyrýar, Žak Arno bolsa Louis Vuitton-yň sagat bölümine jogapkär.
