Saud Arabystany 2027-nji ýyla çenli maglumatlary gaýtadan işleýiş merkezleriniň çägini her ýyl 37% artdyrmagy meýilleşdirýär. Bloomberg agentliginiň Jones Lang LaSalle (JLL) kompaniýasynyň seljermesine salgylanyp habar bermegine görä, bu Dubaýyň we Abu-Dabiniň ösüş depgininden tas iki esse ýokary bolup, dünýä görkezijisinden 15% öňe geçýär.
Er-Riýad ykdysadyýeti diwersifikasiýalaşdyrmagyň çäklerinde sebitiň tehnologiýa merkezine öwrülmek kararyna geldi.
Maglumat merkezlerine bolan isleg artýar: paýtagda täze pudaklar we ýüzlerçe halkara kompaniýalary ofis açýar. Microsoft, Amazon Web Services we Equinix eýýäm öz taslamalaryny meýilleşdirýär, Groq Inc. startapy bolsa EA merkezini döretmek üçin Aramco nebit kompaniýasy bilen hyzmatdaşlyk edýär. Maýa goýumlar salgyt ýeňillikleri we erkin ykdysady zolaklar bilen goldanýar.
Şeýle-de, patyşalyk 100 mlrd dollarlyk EA başlangyjyny taýýarlaýar, ýöne ABŞ-nyň mikroshema eksportyna girizýän çäklendirmeleri bilen ýüzbe-ýüz bolýar. Bu häzirki wagtda maglumat merkezleriniň kuwwaty boýunça sebitde öňdebaryjy bolan BAE-e hem täsir edýär.
JLL analitikleri Ýakyn Gündogaryň maglumat merkezleriniň bazaryny 6 mlrd dollar bilen bahalandyrýar. 35 mln ilat we tehnologiýa uly maýa goýumlar bilen Saud Arabystany ýokary energiýa çykdajylaryna we çylşyrymly gurluşyklara garamazdan, öňdebaryjy bolmaga dalaş edýär.
