Daniýanyň Lego kompaniýasy 2024-nji ýylda rekord netijeleri gazanandygyny mälim etdi. Munuň esasy sebäbi «Şäher», «Ýyldyz söweşleri» we «Garri Potter» ýaly beýleki meşhur toplumlara bolan ýokary isleg boldy diýip, «Reuters» neşiri habar berýär.
Kompaniýanyň ýyllyk girdejisi 13% artdy we 10,9 mlrd dollar boldy. Operasion girdejisi hem 10% ýokarlanyp, 2,7 mlrd dollara ýetdi. Arassa girdejisi-de garaşylandan hem ýokary bolup, 5% artyp, 2 mlrd dollar boldy. 2024-nji ýylda dünýäniň oýunjak bazary 1% peselse-de, Lego-nyň görkezijileri ösmegini dowam etdirdi. Şol bir wagtda, kompaniýanyň esasy bäsdeşleri bolan Mattel we Hasbro satuwlarynyň pese gaçýandygyny mälim etdiler.
Lego önümlerine Demirgazyk we Günorta Amerikada, Ýewropada hem-de Ýakyn Gündogarda uly isleg bildirildi. Kompaniýa Meksikadaky, Wengriýadaky we Hytaýdaky zawodlarynda önümçiligiň möçberini artdyrandygyny mälim etdi. Ýakyn wagtda Wýetnamda, 2027-nji ýylda bolsa ABŞ-da täze zawod açylar. Şeýle-de Lego-nyň ýolbaşçysy Nils Kristiansen ABŞ-nyň täze girizýän gümrük paçlarynyň, kompaniýa oňaýsyz täsir edip-etmejekdigi barada alada etmeýändigini aýtdy.
