Volkswagen-iň arassa girdejisi 2024-nji ýylda 30,6% pese gaçdy. Bu barada kompaniýanyň hasabatyna salgylanyp, BILD habar berýär.
Geçen ýyl awtoöndüriji 9 mln awtomobil satdy – bu bir ýyl ozalkydan (9,2 mln) 2,3% azdyr.
Günorta Amerikada satuw ösdi, ýöne bu hytaý bazaryndaky ýitginiň öwezini dolmak üçin ýeterlik bolmady. Ýewropada we Demirgazyk Amerikada isleg 2023-nji ýyldaky derejesinde galdy.
Dolanyşyk birneme ösüp, 324,7 mlrd ýewro (+1%) bolsa-da, salgytlar tölenenden soň girdeji 2023-nji ýyldaky 17,8 mlrd ýewrodan 12,3 mlrd ýewro çenli azaldy.
VW-niň maliýe müdiri Arno Antlis munuň kyn bäsdeşlik gurşawynda erbet netije däldigini belledi.
Häzirki diwidend adaty paý üçin 6,30 ýewro we aýratyn paý üçin 6,36 ýewro bolar – bu geçen ýylkydan 30% azdyr. Şol bir wagtyň özünde Germaniýada Volkswagen-iň 120 000 töweregi işgäri 4799,50 ýewro möçberde baýraga bil baglap biler.
