Toyota 2026-njy ýylda çykjak täze nesil «Corolla» modelini taýýarlaýar. «BestCarWeb» ýapon neşiriniň berýän maglumatlaryna görä, täze «Corolla» üç wersiýada hödürlener – sedan, uniwersal (Touring) we hetçbek (Sport).
Täze modelde esasan gibrid tehnologiýalara üns berler. «Corolla» 2028-nji ýyldan başlap Ýewropada güýje girjek «Euro-7» ekologiýa kadalaryna laýyk gelýän, 1,5 litrlik turbo görnüşli däl hereketlendirijiler bilen enjamlaşdyrylar. Bu hereketlendirijileriň güýji häzirki 2,0 we 2,5 litrlik hereketlendirijileriňkä deňeçer bolar.
Şeýle hem «Corolla Touring» wersiýasyna aýratyn üns berler. Bu model esasy, krossower we sport GR görnüşlerinde hödürlener.
Sport görnüşiniň «GR Yaris» we «GR Corolla» modellerinde ulanylýan 1,6 litrlik turbomotor hem-de «GR Four» doly herekete getiriji ulgamy bilen hödürlenjekdigi aýdylýar. Mundan başga-da, bu model gibrid hereketlendiriji bilen hem üpjün edilip bilner.
Toyota Corolla 2026-nyň häsiýetnamasy:
- Ölçegleri: 4500 × 1750 × 1500 mm
- Teker bazasy: 2650 mm
- Hereketlendiriji: dört silindrli 1,5 litr, HEV (gibrid) / PHEV (elektrik togundan zarýad alýan gibrid)
- Kuwwaty: 120-150 at güýji
- Herekete getirilişi: öňdäki tigirlerden / ähli tigirlerden
- Çaklanylýan bahasy: takmynan, 16500-23000 dollar aralygy
