Hindistandan 18 ýaşly Lalit Patidar dünýäde iň tüýlek erkek adam hökmünde Ginnesiň rekordlar kitabyna girdi. Onuň şeýle bolmagynyň sebäbi bolsa seýrek kesel bilen baglanyşykly.
Heniz çaga wagty Patidarda gipertrihoz diýlip atlandyrylýan seýrek keseliň bardygy ýüze çykaryldy. Onuň esasy alamaty bedeniň tüý örtüginiň hetdenaşa gür bolmagydyr.
Lalit bilen bagly ýagdaýda tüý bedeniň 95%-ini, şol sanda burun bölegini tutýar. Onuň derisiniň her inedördül santimetrinde 201,72 tüý bar.
Lalit orta asyrlardan bäri bütin dünýäde resminama bilen hasaba alnan, takmynan, 50 ýagdaýyň biridir. Bu hakykat ony bir milliard adamyň arasynda ýeke-täk edýär.
Gündelik durmuşynda Patidar çagalygyndan bäri öz aýratynlygy sebäpli üstünden gülme, kemsitme bilen ýüzbe-ýüz bolýar.
“Adamlar menden gorkýar, ýöne tananlaryndan soň biziň aramyzdaky tapawudyň kän däldigine düşünýär” – diýip, Patidar aýtdy.
Muňa garamazdan, ýaş ýigit ruhdan düşmeýär we keseliň öz durmuşyna hem özüni duýşuna hiç hili täsir etmeýändigini belleýär. Ol bu ýagdaýa üns bermezden, okamagyny we işlemegini dowam etdirýär.
