Volvo kompaniýasynyň baş müdiri Jim Rouen ýakyn wagtda beren interwýusynda kompaniýanyň geljekdäki meýilnamalary barada gürrüň berdi. Şeýle-de uniwersal görnüşli awtoulaglaryň indi Volvo brendi üçin ileri tutulmaýandygyny resmi taýdan tassyklady diýip, «Autocar» neşiri habar berýär.
Volvo-nyň strategiýasy – krossowerleriň meşhurlygynyň artmagyndan peýdalanmak. Şonuň üçin kompaniýa bar bolan modelleriň esasynda ýörite wersiýalary we aýratyn modifikasiýalary öndürmäge üns berer.
Gyzykly tarapy, bu beýanat Volvo UK-niň söwda müdiri Robert Diniň, 2023-nji ýylda V60 we V90 modelleriniň önümçiligini bes etmegiň ýalňyş karar bolandygyny aýdanyndan soň berildi.
Rowen Volvo-nyň öz iş ugruny bilkastlaýyn daraldýandygyny hem belledi. Işewürlik nukdaýnazaryndan bu dogry karar bolup durýar. Brend 2025-nji ýylda bäş sany täze modeli, şol sanda täze tanyşdyrylan ES90-y we doly elektrikli EX60 awtoulaglaryny çykarmagy meýilleşdirýär.
