Neon studiýasy “Anora” filmini mahabatlandyrmak üçin 18 mln dollar sarp etdi – bu mukdar filmiň öz býujetinden üç esse köpdür. Bu barada distribýutoryň baş müdiri Tom Kuinn The Town podkastynda habar berdi.
Kuinniň aýtmagyna görä, bu serişdeler çap, ulgam we TW mahabatlaryna, şeýle-de Amerikan akademiýasynyň “Oskara” ses berýän agzalary üçin DVD-lere sarp edildi.
Filmiň dünýä prokatyndaky kassa ýygymy bary-ýogy 41,6 mln dollar boldy. 1990-njy ýyldan bäri Oskar kino baýragynyň “iň gowy filmleriniň” arasynda diňe “Çarwalaryň topragy” (Земля кочевников, 39 mln) we “CODA” (3 mln) az gazanypdy. Birinjisine pandemiýa täsir etdi, ikinjisi bolsa çäkli prokat bilen Apple akym hyzmatynda çykdy.
Akym hyzmatlarynda “Anora” gowy başlangyç görkezdi. Kuinn filmiň Apple-de we Amazon-da öňdebaryjydygyny belledi. Ýöne režissýor Şon Beýker 2-nji martda “Oskar” alandan soň, esasy ünsi kinoteatrlara gönükdirmäge çagyrdy.
“Anora” bäş “Oskar”, şol sanda “Iň gowy film” üçin baýrak aldy. Baş keşbi ýerine ýetiriji Maýki Medisson iň gowy zenan keşbi üçin baýraga mynasyp boldy.
