Ýaponiýanyň Oba hojalyk ministrligi dänäniň bahasynyň ýokarlanmagynyň öňüni almak maksady bilen, strategiki ätiýaçlyklaryndan tüwi satyp başlady. Ilkinji auksion 10-njy martda geçirildi diýip, «The Japan News» habar berýär.
Auksionda ministrlik 150 müň tonna tüwi satdy, şol bir wagtyň özünde häkimiýetler ýylyň dowamynda paýlaýjylardan (distribýutorlardan) şonça mukdarda tüwini gaýtadan satyn aljakdygyny mälim etdiler. Umuman, ätiýaçlykda duran 1 million tonnadan jemi 210 müň tonna tüwiniň satuwa çykarylmagy meýilleşdirilýär.
Fewral aýynda 5 kilogramlyk tüwi bukjasynyň ortaça bölekleýin satuw bahasy 3688 ýena (24 dollara) ýetip, geçen ýyl bilen deňeşdirilende 1,5 esse gymmatlady. 2023-nji ýylda bol hasylyň bolmazlygy sebäpli, tüwi ätiýaçlyklary azaldy. Güýz paslynda önümçilik 180 müň tonna ýokarlandy, emma bahalar pese düşmedi.
«Kyodo» agentliginiň berýän maglumatlaryna görä, bu ýetmezçilik syýahatçylaryň sanynyň köpelmegi hem-de daýhanlaryň bahalaryň mundan beýläk-de ýokarlanmagyna garaşyp, ellerindäki ätiýaçlyklaryny satmak islemeýändikleri bilen baglanyşyklydyr.
