Give me Sport Çempionlar ligasynyň taryhynda iň gowy derwezebany saýlady

  • 11.03.2025 15:53
  • 5.3k+

Britaniýanyň abraýly Give me Sport portaly Çempionlar ligasynyň taryhynda iň gowy derwezebanlaryň reýtingini düzdi.

Sanawda birinji orny “Bawariýanyň” derwezebany Manuel Noýer eýeledi, ol topar bilen bilelikde karýerasynda ÇL ýaryşynyň iki gezek ýeňijisi boldy. Onuň yzyndan “Realyň” meşhur derwezebany Iker Kasilýas ýerleşdi. Oýunçy esasy ýewrokubogyň dört gezek ýeňijisi boldy. Üçünji orny “Mançester Ýunaýtediň” öňki derwezebany Edwin wan der Sar eýeledi.
Dördünji orunda “Çelside” oýnan Petr Çeh ýerleşdi. “Ýuwentusda” çykyş eden italiýaly Janluiji Buffon bolsa bäşinji orny eýeledi.
Sanawyň yzyny “Barselonadan” Wiktor Waldes dowam etdirýär. Onuň yzyndan Keýlor Nawas (“Real”/“PSŽ”), Oliwer Kan (“Bawariýa”), Dida (“Milan”), Tibo Kurtua (“Atletiko”/“Çelsi”/“Real”) we Alison Beker (“Roma”/“Liwerpul”) gelýär.
Reýting düzülende diňe bir baýraklaryň sany däl, eýsem şahsy statistika, hünärmenleriň we žurnalistleriň pikiri hem göz öňünde tutuldy.


düýn 12:35
3.6k+

Angliýanyň milli zenanlar futbol ýygyndysy yzygider ikinji gezek Ýewropa çempionatyny utdy

Angliýanyň futbol boýunça milli zenanlar ýygyndysy yzygider ikinji gezek Ýewropa çempionatynda ýeňiji boldy. Bazelde geçen ýaryşyň finalynda iňlis topary häzirki dünýä çempiony bolan Ispaniýanyň toparyny utdy. Oýnuň esasy we goşmaça wagty 1:1 hasabynda tamamlandy, penalti tapgyrynda bolsa Angliýa has takyk boldy – 3:1...

27.07.2025 19:48
6.2k+

“Arsenal” 73,5 mln ýewro “Sportingden” Wiktor Dýokereşi satyn aldy

Londonyň “Arsenaly” Lissabonyň “Sporting” klubunyň hüjümçisi Wiktor Dýokereş bilen şertnama baglaşdy. Çeşmeleriň we Fabrisio Romanonyň maglumatlaryna görä, transfer mukdary 63,5 mln ýewro (goşmaça 10 mln bonus) boldy...

24.07.2025 17:34
9.2k+

Ispaniýanyň futbol federasiýasy eminleriň tehniki komitetine AI boýunça bilermeni belledi. Ol “Realyň” janköýeri

Ispaniýanyň Patyşalyk futbol federasiýasy (RFEF) emeli aň boýunça hünärmen Çema Alonsony eminleriň tehniki komitetiniň (CTA) AI meseleleri we innowasiýa boýunça geňeşçisi edip belledi. Bu barada guramanyň resmi web sahypasynda habar berildi...

24.07.2025 14:21
8.5k+

Kilian Mbappe “Realda” 10-njy belgini aldy

Madridiň “Realynyň” hüjümçisi Kilian Mbappe täze möwsümde 10-njy belgi bilen çykyş eder diýip, L'Équipe habar berýär. Bu ozal bu belgini göteren horwatiýaly ýarymgoragçy Luka Modriç klubdan gidenden soň bolup geçdi...