2023-nji ýylda Ýewropa Bileleşiginiň ýurtlarynda 3,67 mln çaga dünýä indi – bu 2022-nji ýyldakydan 5,4% azdyr. Görkeziji soňky 60 ýylda iň pesi boldy.
Ýewropanyň statistika agentliginiň täze hödürlän maglumatlary soňky gezek şeýle pese gaçyşyň 60-njy ýyllaryň başynda hasaba alnandygyny görkezýär.
Täze doglan çagalaryň tas ýarysy (46,4%) ilkinji çagady, olaryň eneleriniň ortaça ýaşy bolsa 29,8 ýaşa deň. Iň pes çaga dogluşy Maltada (aýal başyna 1,06 çaga), Ispaniýada (1,12) we Litwada (1,18) hasaba alyndy.
Iň gowy görkezijiler Bolgariýada (1,81), Fransiýada (1,66) we Wengriýada (1,55) boldy.
Çagalaryň 23%-iniň daşary ýurtly enelerden doglandygy bellärliklidir. Lýuksemburgda bu görkeziji 67% boldy.
