Stellantis 2025-nji ýylda Ram we Jeep üçin giň gerimli täzelenmeleri meýilleşdirýär. Kompaniýa meşhur Hemi V8 hereketlendirijilerini yzyna getirer, wnedorožnikleriň täze wersiýalaryny hödürlär we kuwwatly modelleri kämilleşdirer.
Syzdyrylan maglumatlara görä, Ram 1500 ýokary kuwwaty we dinamikany üpjün edýän 5.7L-lik we 6.4L-lik Hemi V8 hereketlendirijilerini alar. TRX modeliniň öňküsinden has güýçli hereketlendiriji bilen gaýdyp gelmegine garaşylýar. Ol 4,5 sekuntda 100 km / sag tizlige çenli çykyp biler.
Wnedorožnik görnüşlerine aýratyn üns berilýär. Ram 2500 we 3500 HD Night Edition we Warlock trimlerini alar. Mundan hem başga, 430 at güýjüni öndürýän we 1,075 Nm torkly Cummins 6.7L turbodizelli täze Power Wagon peýda bolar.
Şol bir wagtda Jeep täzelenen Cherokee-ni taýýarlaýar, ýöne entek bu barada anyk zat az. Motor1-iň maglumatlaryna görä, krossoweriň täze nesli başga bir platforma geçiriler, bu bolsa onuň göwrümini ep-esli ulaldar.
Dodge üstümizdäki ýylda Hornet GLH sport krossoweri bilen tanyşdyrar. Täze ulag şu ýyl satuwa çykarylar. Ozal bu brend doly aýdylanda Goes Like Hell - “diýseň ýyndam ýöreýär” diýen manyny aňladýan GLH gysgaltmasy bilen awtoulagynyň konseptini görkezýärdi. Krossower eýýäm şu ýyl önümçilik modeline öwrüler. Krossower 268 at güýjüni öndürýän kuwwatly hereketlendirijini, şeýle hem Kerol Şelbi tarapyndan döredilen rowaýaty Dodge Omni GLH-den ylhamlanan sport podweskasyny alar. Esasy wersiýasynyň bahasy 29 995 dollar.
