Hytaýyň BYD awtoulag kompaniýasy Tesla-a elektromobilleri ösdürmek üçin tagallalary birleşdirmegi teklip etdi. Konserniň wise-prezidenti Stella Li Financial Times bilen söhbetdeşlikde iki kompaniýanyň hem global ulag pudagyny üýtgetmek üçin tagallalary birleşdirip biljekdigini aýdyp, içinden ýandyrylýan hereketlendirijili ulaglary “umumy duşman” diýip atlandyrdy.
Li elektromobilleriň tehnologiýa we hil taýdan içinden ýandyrylýan hereketlendirijili awtoulaglardan öňe geçýändigini belledi.
Şeýle-de, ol Pekiniň ykdysady dartgynlylyga garamazdan, daşary ýurtly hyzmatdaşlar bilen tehnologiki hyzmatdaşlyga açykdygyny aýtdy.
Belläp geçsek, ýakynda ABŞ-nyň Prezidenti Donald Tramp Hytaýdan harytlaryň importy üçin goşmaça tölegleriň iki esse artdyrylýandygyny aýdyp, söwda dartgynlylygynda täze bir tapgyry başlady.
Fewral aýynda BYD-yň ýolbaşçysy Wan Çuanfu hytaý elektromobilleriniň daşary ýurt bäsdeşlerinden, şol sanda tehnologiýalar boýunça-da 3-5 ýyl öňe gidýändigini aýtdy. Şeýle-de, ol pudakda has açyklyga çagyrdy.
