Ykjam elektrokrossower Kia EV3 “Beýik Britaniýada ýylyň awtomobili – 2025” titulyny aldy. Baýrak ulag, işewürlik we tehnologiýalar pudagynda 31 hünärmenden ybarat garaşsyz eminler tarapyndan gowşuryldy.
Model “Kiçi krossowerler” kategoriýasynda ýeňiş gazanmagynyň netijesinde baş baýraga dalaş edip bildi.
Kia EV3 bir zarýadda 600 km çenli menzili üpjün edýän batareýa bilen enjamlaşdyryldy – bu Kia hatary üçin rekord görkezijidir. Model şeýle tituly 2024-nji ýylda alan has uly EV9-yň üstünligini dowam etdirýär.
Kia UK kompaniýasynyň prezidenti we baş müdiri Pol Filpott bu ýeňşiň önümiň ýokary hilini we britaniýaly alyjylaryň elektromobillere bolan ýokary islegini tassyklaýandygyny belledi. Modele bolan isleg 2024-nji ýylyň ahyrynda Beýik Britaniýanyň bazaryna çykanyndan bäri barha artýar.
Kia EV3 “Ýewropada ýylyň awtomobili” adyna we 2025 World Car Awards baýragyna dalaşgärleriň sanawyna-da girdi.
