Cherry kompaniýasy emeli aň goldawy bilen Cherry AI kompýuter syçanjygyny hödürledi. Syçanjyk sesi tanap, buýrugy ýerine ýetirýär we häzirki wagtda sözleýşi terjime edip bilýär diýip, IT Home habar berýär.
Gurluşyň esasy aýratynlygy DeepSeek neýroulgamy boldy. Ulanyjy kömekçini ses ýa-da düwmäni basmak arkaly işjeňleşdirip bilýär. Mysal üçin, ulanyjy syçanjygy ýüzüne ýakyn tutup, teksti aýdyp ýazdyryp biler, gurluş bolsa buýrugy gaýtadan işlär we ýerine ýetirer.
Cherry AI-iň esasy funksiýalary:
- ·Teksti ses arkaly girizmek we programmalary dolandyrmak;
- ·Sözleýşi häzirki wagtda terjime etmek;
- ·Klawiaturasyz resminamalary döretmek we redaktirlemek;
- ·Prezentasiýalary dolandyrmak we interfeýs boýunça nawigasiýa.
Mundan başga-da, syçanjyk galmagaly ýatyrýan mikrofon, 500 mA/sag akkumulýator bilen üpjün edildi, 5 DPI derejesini goldaýar we 2.4G, Bluetooth ýa-da Type-C arkaly birikdirilýär.
Gurluşyň ululygy – 122 × 64,6 × 36 mm, agramy – 91 g. Iki reňkde elýeterli.
Cherry AI-iň ilkinji toplumy eýýäm Hytaýda 399 ýuan (takmynan, $55) baha bilen satuwa çykdy. Ýöne üpjünçiligiň giňeldilmegine garaşylýar.
