BMW 2024-nji ýylda ABŞ-nyň iň uly awtoulag eksportçysy diýen derejäni täzeden eýeledi. «Carscoops» neşiriniň belleýşi ýaly, kompaniýanyň umumy eksportynyň bahasy 10,1 milliard dollara ýetdi.
Bu üstünlikdäki esasy orun Günorta Karolinadaky Spartanburg şäherinde ýerleşýän BMW zawodyna degişli. Bu kärhana X3, X4, X5, X6, X7 we XM kysymly SUV modellerini öndürýär we olary Ýewropa hem-de beýleki sebitlere eksport edýär. 2026-njy ýyldan başlap, bu ýerde BMW-niň ilkinji elektrikli modeli öndüriler, 2030-njy ýyla çenli bolsa jemi alty sany elektromobil çykarylar.
BMW-niň önümçilik ulgamyndaky iň uly zawod bolan Spartanburg kärhanasy erkin söwdanyň we üpjünçilik zynjyrlarynyň ösdürilmeginde möhüm rol oýnaýar. Bu ýagdaý kompaniýanyň dünýä bazaryndaky ornuny berkitmek bilen bir hatarda, sebitiň ykdysadyýetine hem uly peýda getirýär.
