Parižiň merkeziniň demirgazygynda ýerleşýän Sen-Deni kommunasyndaky demir ýollaryň üstünden Ikinji jahan urşunda göçmän galan snarýad tapyldy. Ony demirýol işçileri anna güni ir bilen sagat dört töweregi tapdylar. Snarýad göçmän galypdyr diýip, SNCF demirýol operatoryna salgylanyp, «RFI» habar berýär.
Snarýad Demirgazyk menzilinden 2,5 km uzaklykda tapyldy. Çeşmäniň bellemegine görä, bu sebitde Ikinji jahan urşundan galan ok-däriler ýygy-ýygydan tapylýar. Emma şeýle wakalar, adatça, ilatly nokatlarda seýrek bolýar.
BFM TV-niň habaryna görä, bu tapyndy demir ýol gatnawynda uly bökdençlik döretdi. Polisiýa wagtlaýynça Demirgazyk menziliniň işini togtatdy. Bu bolsa şäherýaka hem-de Fransiýany Angliýa, Belgiýa we Niderlandlar Patyşalygy (Gollandiýa) bilen baglanyşdyrýan halkara ýokary tizlikli otly gatnawlarynyň ýatyrylmagyna getirdi.
