Ýaponiýaly 108 ýaşly Sisui Hakoisi Ginnesiň rekordlar kitaby tarapyndan dünýäniň iň garry dellekçisi diýip ykrar edildi. Ol 90 ýyl bäri saç bejerýär we bu kärini entek-entekler goýmak islemeýär diýip, The Guardian gazeti ýazýar.
Hakoisi Totigi prefekturasynyň Nakagawa şäherindäki salonynda işleýär.
Ol 1916-njy ýylyň 10-njy noýabrynda ýerli daýhan maşgalasynda dünýä indi. Sisui 14 ýaşynda Tokio gitdi we şol ýerde dellekçiniň şägirdi bolup işe ýerleşdi.
Ol Asahi Shimbun neşirine: "Mümkin boldugyça, uly şägirtleriň yzyndan çalt ýetmek we olardan ozmak isleýärdim, şonuň üçin güýjümde baryny edip, gaty köp işleýärdim " - diýip gürrüň berdi.
1936-njy ýylda ol dellekçiniň ygtyýarnamasyny aldy we eýýäm üç ýyldan soň adamsy Dziro bilen öz salonyny açdy.
Sisui Hakoisi uzak ýyllyk karýerasynyň Ginnesiň rekordlar kitabynyň hünärmenleri tarapyndan resmi taýdan ykrar edilendigine gaty begendi.
Ol: “Men hakykatdanam bagtly. Bileleşigiň ähli agzalaryna minnetdar. "Men muny hiç haçan ýatdan çykarmaryn" – diýip minnetdar boldy.
