“Bagtly Gilmor” komediýasynyň dowamy Netflix-de 2025-nji ýylyň 25-nji iýulynda çykar. Bu barada akym hyzmatynyň täze hasabatynda habar berildi.
Filmiň asyl nusgasy, mundan otuz ýyl töweregi ozal, 1996-njy ýylda çykypdy. Sikweldäki wakalar hem birinji bölümdäki wakalardan köp ýyl geçensoň ýaýbaňlanýar. Adam Sendler bilen bilelikde Ben Stiller, Kristofer MakDonalds we Juli Bouen dagy hem keşplerine gaýdyp geldi. Olara repçiler Eminem we Kid Kadi, aktrisa Margaret Kuolli, wäşi Nik Swordson, Bad Bunny-niň sazandasy, NFL-iň ýyldyzy Trewis Kelsi we režissýor Benni Safdi dagy hem goşuldy.
Öz wagtynda bu film Sendlere öz döwrüniň iň uly komediýa ýyldyzlarynyň birine öwrülmegine kömek edip, 12 million dollar býujet bilen kassa ýygymynda 40 million dollar gazanypdy.
Aktýor golfa zehininiň bardygyny bilen, gahar-gazabyna bäs gelmekde kynçylyk çekýän hokkeýçi Bagtly Gilmoryň baş keşbini ýerine ýetirdi. Ol garry enesiniň öýüniň elinden alynmazlygy üçin ýeterlik pul gazanmak maksady bilen tölegli ýaryşa gatnaşýar. Ýüzugra ol adaty bolmadyk hokgalary bilen meşhurlyk gazanmagy başarýar.
“Bagtly Gilmoryň” asyl nusgasy režissýor Dennis Dugan tarapyndan surata düşürildi.
