SpaceX bir günüň dowamynda 15 müň Starlink terminalyny öndürip başlady

  • 06.03.2025 23:55
  • 2.3k+

SpaceX kompaniýasy Tehasyň Bastrop şäherindäki (ABŞ) Starlink antennalaryny öndürýän zawodynyň işini görkezýän wideony çap etdi. Zawod her gün 15 müň antennany öndürýär, bu bolsa ýylda takmynan 5,5 million birlige deňdir.

Şu ýyl kompaniýa zawodynyň meýdanyny 93 müň inedördül metr artdyryp, umumy meýdanyny 175 müň inedördül metder ýetirmegi meýilleşdirýär. Bu bolsa önümçiligiň möçberini has-da artdyrmaga mümkinçilik berer. Öň berlen habarlara görä, zawod ýylda 4,6 million antenna öndürmäge ukyply.
Wideoda önümçilik prosesi görkezilýär. Hususan-da fazaly antennalaryň we çap edilen plata kartalarynyň robot ulgamlarynyň kömegi bilen öndürilişi görkezilýär. Mundan başga-da önümçilik çykdajylarynyň peseldilişi hakynda gürrüň berilýär. Öň Starlink antennalarynyň öndürilişi kompaniýa üçin, takmynan, 3000 dollara düşýärdi, 2023-nji ýyla çenli bolsa SpaceX olary özüne zyýan bilen satýardy. Starlink önümçilik bölüminiň uly müdiri Aleksandra Noe önümçiligi optimizirlemek üçin, kompaniýanyň täzelikleri girizmäge mejbur bolandygyny belledi.
Zawod häzir 5 million müşderiden ybarat bolan Starlink abonentleriniň sanynyň köpelmegi bilen hyzmat edýär. SpaceX-iň prezidenti Gwinn Şotwell bu zawodyň gysga wagtyň dowamynda ABŞ-da çap edilen plata kartalarynyň iň uly önümçilik merkezine öwrüljekdigini aýtdy. Bu ýerde, takmynan, 1000 adam işleýär.


27.11.2025 13:17
4k+

NASA-nyň ESCAPADE Mars zondundan düşürilen ilkinji suratlary çap edildi

NASA Marsa tarap barýan ESCAPADE zondundan alnan ilkinji suratlary hödürledi. Suratlar apparatyň kadaly işleýändigini we öz işlerini ýerine ýetirmäge taýýardygyny tassyklaýar. ESCAPADE missiýasy 14-nji noýabrda Blue Origin kompaniýasynyň New Glenn super agyr raketasynyň kömegi bilen badalga aldy...

26.11.2025 17:50
2k+

Boeing-iň kosmos gämisi ýene HKS-e iberiler, ýöne bu gezek ekipažsyz: uçuş senesi yglan edildi

NASA Boeing kompaniýasynyň Starliner kosmos gämisiniň ýene Halkara kosmos stansiýasyna iberiljekdigini habar berdi. Ýöne bu gezek ol ekipažly däl-de, diňe ýük bilen uçar. Maglumatlara görä, kompaniýa bilen 2024-nji ýylda baglaşylan ekipažly gämi barada şertnama üýtgediler...

26.11.2025 10:04
1.9k+

Garaharsaň hatda adatdan daşary kosmos şertlerinde-de ýaşaýşa ukyply bolup çykdy

Physcomitrium patens garaharsaň (moh) görnüşiniň sporalary Halkara kosmos stansiýasynyň daşynda dokuz aý bolandan soň hem ýaşaýşa ukyply bolup galdy. Kosmosda wagty olar wakuuma, temperatura üýtgemelerine, mikrograwitasiýa, ultrabenewşe şöhlelerine we kosmos radiasiýasyna sezewar boldy diýlip, iScience žurnalyndaky täze makalada aýdylýar...

24.11.2025 12:10
4.5k+

Astronom täze ýyldyz toplumlaryny açyp, olary ýeňil tagamlaryň şanyna atlandyrdy

Britaniýaly astronom Mark Tompson alty sany täze ýyldyzlar toplumyny açyp, olary oturylyşyklar üçin niýetlenen ýeňil tagamlaryň şanyna atlandyrdy diýip, Daily Mail habar berýär. Ýyldyz toplumlary şeýle atlary aldy:...