Barselonadaky MWC 2025 sergisinde BleeqUp startapy wideoregistratorly dünýäde ilkinji akylly welosiped äýnegini hödürledi. Olar ekşn-kameralaryň ornuny tutup, wideo ýazýar, jaň kabul edýär we ses dolandyryşy bilen işleýär.
BleeqUp Ranger äýnegi 30 k/sek-da 1080p bilen wideo düşürýän oturdylan 16 Mp kamera bilen enjamlaşdyryldy. Kamera 120° syn ediş burçy bilen ultra giňburçly linzanyň netijesinde ýoly we daş-töweregi ýazga alýar. Optiki durnuklaşdyrma ýazgy wagtynda titremegiň öňüni alýar. Äýnek arakesmesiz bäş sagatlap ýazgy edip bilýär, bu, takmynan, 200 km ýola deňdir.
Äýnegiň sapyna 37 km/sag çenli tizlikde sesi tutmaga ukyply bolan mikrofon oturdyldy. Äýnek smartfona Bluetooth arkaly birigýär, çarçuwadaky sensor paneli bolsa jaňlary kabul etmäge ýa-da ret etmäge mümkinçilik berýär.
BleeqUp Ranger sesiň süňk arkaly geçirijiligini ulanýar, bu bolsa hem söhbetdeşi, hem daşky gurşawy eşitmäge mümkinçilik berýär. Äýnek Zeiss linzalary bilen üpjün edildi we iň gowy gezelenç pursatlary bilen wideo döretmek üçin ChatGPT-4o ses kömekçisini goldaýar.
Programmada ugry yzarlamak, akylly sagatlar we fitnes bilezikler bilen baglanyşmak, ses dolandyryşy ýaly mümkinçilikler hem göz öňünde tutuldy.
BleeqUp Ranger-iň bahasy – 499 dollar. Satuw 2025-nji ýylda başlar, deslapky sargytlar eýýäm açyk.
