Walt Disney Animation kompaniýasy şa gyzy Tiana barada animasion aýdym-saz serialynyň üstünde işlemezlik kararyna geldi. Taslama 2009-njy ýyldaky “Şa gyzy we gurbaga” filminiň dowamy bolmalydy.
Deadline neşiriniň maglumatlaryna görä, studiýa akym platformalary üçin original seriallary işläp taýýarlamazlyk kararyna geldi.
Serial 2020-nji ýylyň dekabrynda anons edildi, şondan bäri Disney göz öňünde tutulan taslamadan diňe bir kadr çykardy. Onda studiýanyň ilkinji garaýagyz şa gyzysy bolan Tiananyň keşbinde ýene-de Anika Noni Rouz peýda bolmalydy.
Multserial filmde gürrüňi edilýän wakany dowam etdirmelidi. Multfilmde waka 1920-nji ýyllarda Täze Orleanda bolup geçýär. Tiana – öz restoranyny açmagy arzuw edýän zähmetsöýer ofisiant. Zalym jadygöý-wudu Fasilýe tarapyndan gurbaga öwrülen şazada Nawin bilen posadan soň Tiana hem gurbaga öwrülýär. Indi gahrymanlara asla giç bolmanka öz adam keşplerine gaýdyp gelmegiň ýoluny tapmak galýar.
