DxOMark-yň awtorlary Xiaomi 15 Ultra-nyň kamerasy boýunça syn çap etdiler. Bu smartfon öran gowy fotoflagman bolsa-da, bazaryň täze lideri däl.
Smartfon 153 bal aldy we bu netijä görä reýtingde 13-nji orny eýeledi. Eger deň bal alan beýleki smartfonlary hasaba almasak, täze flagman Pixel 8 Pro we Oppo Find X6 Pro bilen bilelikde 6-njy orunda ýerleşýär. iPhone 15 Pro Max bir bal öňde – ol 154 bal aldy. Xiaomi 14 Ultra bolsa 149 bal bilen biraz yzda galdy.
Şeýle-de bolsa hytaýly tehnoägirdiň täze flagmany, fotosuratlardaky teksturalar we telekamerany gaýtadan işlemek boýunça rekord derejede bal aldy.
Umuman, Xiaomi 15 Ultra bazardaky iň gowy kameraly telefonlaryň biri, ýöne şol bir wagtda hem örän gymmady. Ýewropada smartfonyň bahasy 1500 ýewro, bu onuň Apple we Samsung kompaniýalarynyň flagmanlaryndan hem has gymmatdygyny aňladýar.
