IFAB futbol düzgünlerine möhüm üýtgeşmeleri girizdi. Olar 2025/26 möwsüminden güýje girer

  • 04.03.2025 14:59
  • 9.2k+

Halkara Futbol assosiasiýalarynyň geňeşi (IFAB) 2025/26 möwsüminden güýje girjek futbol düzgünlerine üýtgetmeleri tassyklady. Täze düzgünler bilen geçiriljek ilkinji ýaryş 15-nji iýundan 13-nji iýul aralygynda ABŞ-da geçjek Klublaýyn dünýä çempionaty bolar diýlip, guramanyň saýtynda habar berilýär.

Esasy üýtgetmeleriň biri 12.2 düzgüni bilen baglanyşyklydyr. Oňa laýyklykda, topy oýna girizmek üçin derwezebana sekiz sekunt (öňki alty sekuntyň deregine) berilýär. Emin eli bilen bäş sekunty sanar, eger top sekiz sekuntdan soň oýna girizilmese, garşydaş topara burçdan urgy berler. Ozal wagtyň uzaga çekilendigi üçin toparlar jerime meýdançasynyň içinde erkin urgyny bellemek bilen jezalandyrylýardy, ýöne eminler köplenç bu düzgüne eýermeýärdi.
Üýtgetmeler 3.10 düzgünine-de täsir etdi: indi diňe kapitanlar emin bilen gürleşip bilýär. Şeýle çözgüt oýny has guramaçylykly we birek-birege sylagly gatnaşyk etmäge gönükdirilendir.
8.2 düzgüni boýunça, “jedelli topda” top oýun saklanmazdan ozal oňa eýeçilik eden topara geçiriler.
9.2 düzgünine laýyklykda, eger klubuň wekili, ätiýaçdaky oýunçy, çalşyrylan ýa-da çykarylan futbolçy çyzykdan gyra çykan topa tötänleýin degen ýagdaýynda, emin erkin urgy bellär.
Mundan başga-da, eminler öz çözgütlerini tutuş stadiona yglan edip biler.
Şeýle-de, FIFA-nyň teklibi boýunça, Klublaýyn dünýä çempionatynda eminlerde kameralar synalyp görler.


düýn 19:46
3.5k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...

düýn 09:22
7.3k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

28.11.2025 23:17
4.9k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...

27.11.2025 12:45
10k+

Çempionlar ligasy: “Arsenal” “Bawariýany” utdy, Mbappe poker etdi we beýleki garaşylmadyk netijeler

UEFA-nyň Çempionlar ligasynyň bäşinji tapgyrynyň jemleýji oýunlary ýokary netijeliligi görkezdi – oýun gününiň dokuz oýnunda futbolçylar jemi 42 gol geçirdi. Tapgyryň merkezi oýnunda “Arsenal” Mýunheniň “Bawariýasyny” 3:1 hasabynda utdy...