Instagram TikTok bilen bäsdeşlik etmek üçin Reels-i aýratyn goşundy etmek barada pikirlenýär. Bu barada The Information habar berýär.
Sosial ulgamyň ýolbaşçylary gysga wideolar üçin özbaşdak goşundyny işe girizmegi göz öňünde tutýar.
Insaýderlere salgylanyp, The Information neşiriniň ýazmagyna görä, kompaniýanyň ýolbaşçysy Adam Mosseri bu meýilnama barada eýýäm işgärlere aýtdy.
Bu pikir Meta üçin täze däl. Ýanwar aýynda kompaniýa wideolary redaktirlemek üçin Edits goşundysyny hödürledi we ol ByteDance kompaniýasynyň CapCut goşundysyna bäsdeş ýaly boldy. Indi bolsa Instagram gysga wideolaryň bazarynda ornuny berkitmek üçin Reels-e bil baglaýar. Kompaniýanyň özi bu barada entek resmi teswir bermedi.
Eger taslama durmuşa geçirilse, bu amerikan kompaniýasynyň Hytaýyň ByteDance kompaniýasy bilen göreşinde nobatdaky ädimi bolar.
