SpaceX ýapon aýdymçysy Adonyň ses ýazgylaryny orbita çykardy. Ýazgylar soňra Aýa baryp biler diýip, Variety habar berýär.
Falcon 9 raketasynyň uçurylmagy Artemis maksatnamasynyň çäklerinde britaniýaly, ýaponiýaly we ABŞ-ly döredijilik toparlarynyň halkara taslamasynyň bir bölegidir. Maksat - sungaty kosmos gurşawyna çykarmak. Ýöne Ýeriň daşynda ony eşitjegiň tapyljagy gümana - ses tolkunlary kosmos boşlugynda ýaýrap bilmeýär, şonuň üçin aksiýa diňe simwoliki häsiýete eýedir.
Aýdymçy Ado hakda ýerli ilatyň özi hem köp zat bilenok. Onuň hakyky ady we doglan ýeri aýan edilmeýär. Üstesine, ol ýüzüni gizleýär we diňe sanly görnüşde çykyş edýär. Aýdymçy 2020-nji ýylda Usseewa-nyň ýörgünli bolan aýdymy çykandan soň meşhur boldy. Soňra bolsa ol One Piece Film: Red animesi üçin New Genesis atly esasy aýdymyny ýerine ýetirdi. Onuň YouTube-da 7,8 million abunaçysy bar, 4 milliard gezek diňlendi we 30 ýurda 33 halkara syýahaty bar. Indi ol sesi Aýdan ýaýlyma beriljek ilkinji adam bolup biler.
Ýeri gelende aýtsak, 27-nji fewralda Jeff Bezosyň Blue Origin aerokosmiki kompaniýasy zenanlardan ybarat syýahatçy toparyň orbita iberiljekdigini bildiriş edipdi. Ekipažyň düzüminde aýdymçy Keti Perri we Bezosyň aýaly Loren Sançes bar. Ony ýazda uçurmak meýilleşdirilýär.
