2024-nji ýylda Ýaponiýada çaga dogluşy rekord derejä çenli peselip, bary-ýogy 721 müň adam boldy. Bu 1899-njy ýylda degişli statistika ýazylyp başlanaly bäri iň pes görkezijidir.
Maglumatlar Ýaponiýanyň Saglygy goraýyş, zähmet we abadançylyk ministrligi tarapyndan hödürlendi, ýöne olar deslapky hasaplanýar. Has takyk maglumat iýun aýynda belli bolar diýip, “Maýniti” gazeti belleýär.
Çaga dogluş derejesiniň peselmegi 2023-nji ýyl bilen deňeşdirilende 5% boldy – şol wagt Ýaponiýada 758,6 müň çaga doguldy. Alymlaryň çaklamalaryna görä, çaga dogluş derejesi diňe 2039-njy ýyla çenli 720 müňe çenli peselmelidi, ýöne ol 15 ýyl öňe süýşüp, eýýäm 2024-nji ýylda hakykata öwrüldi.
Mundan başga-da, 2024-nji ýylda ilatyň tebigy azalmagy (doglanlar bilen ölenleriň sanynyň arasyndaky tapawut) 897,7 müň adam boldy, bu hem rekord görkeziji hasaplanýar.
