Warner Bros. kinokompaniýasy “Minecraft kinoda” filminiň ahyrky treýlerini hödürledi.
Geljekki filmiň wakalary biziň günlerimizde ýaýbaňlanar. Sýužete görä, dört sany personaž syrly bir portal arkaly täsin kub dünýäsine düşýär. Indi olar öz ýolunda duran elhenç jandarlar bilen göreşip, öýe dolanmaga synanyşmaly.
Filmde baş kepleri Emma Maýers (“Uensdeý”), Daniel Bruks, Jek Blek we Jeýson Momoa (“Forsaž”) ýerine ýetirýär. Belli oýnuň ekranlaşdyrylmasynyň režissýory hökmünde Jared Hess (“Ýerde iň soňky adam”) çykyş etdi.
Ýatlap geçsek, ilkinji tizer muşdaklar tarapyndan oňyn garşylanmandy, ýöne soňky treýlere seslenme gowy boldy: iki sagatda diýen ýaly film 59 müň laýk we 6,7 müň dizlaýk aldy. Käbir tomaşaçylar filmiň daşky görnüşini halamady, ýöne käbirleri eýýäm munuň bilen ylalaşdy.
“Sözüň iň gowy manysynda elhenç görünýär” – diýip, ulanyjylaryň biri belleýär.
“Minecraft kinoda” filminiň global premýerasy 2-nji aprelde, amerikan premýerasy 4-nji aprelde bolar.
