28-nji fewralda ozal SE brendi bilen çykan Apple-iň täze nesil elýeterli smartfonynyň – iPhone 16E-niň satuwy başlandy.
Smartfon dünýäniň köp ýurtlarynda 599 dollar başlangyç baha bilen satylýar. Model iki – gara we ak reňklerde hödürlenýär.
iPhone 16E täzelenme ýygylygy 60 Gs bolan 6,1 dýuýmlyk OLED displeýine eýe boldy. Smartfon 8 GB operatiw we 128/256/512 GB içki ýat bilen A18 Bionic prosessorynyň esasynda işleýär. Onuň USB-C porty we Action Button düwmesi bar. Smartfonyň batareýasynyň göwrümi 3961 mA/sag bolup, Wi-Fi birikmesi arkaly 13 sagat töweregi işleýär. Gajet 48 MP bir esasy kamera eýe boldy.
Smartfonyň anonsy üçin kompaniýa iPhone 16E-ni elinde saklaýan personažy görkezýän gysga mahabat wideosyny hem çykardy. Sosial ulgamlara we çalt mahabat kampaniýalaryna gönükdirilen bu wideo täze smartfonyň esasy aýratynlyklaryny görkezýär.
Mahabat smartfonyň dizaýnyna, aýratynam, Face ID goldawy we bir linzaly yzky kamerasy bolan çarçuwasyz ekranyna ünsi çekýär. Wideoda Selena Gomes bilen Benni Blankonyň “Talk” aýdymy ulanylýar.
