“Formula-1-iň” britaniýaly ýaryşa gatnaşyjysy Lýuis Hemilton “Time” žurnalynyň daşynda peýda boldy. Ol interwýuda awtosportdaky ýoly we 2025-nji ýylda “Ferrari” toparyna geçmegi baradaky pikirleri bilen paýlaşdy.
“Men sportuň bu görnüşinde häli-häzire çenli ilkinji we ýeke-täk garaýagyz ýaryşa gatnaşyjy. Men başgaça gurlan. Men köp zatlary başdan geçirdim. Meniň öz ýolum bardy. Meni taryhda “Formula-1-iň” başga bir 40 ýaşly ýaryşa gatnaşyjysy, öňki ýa-da häzirki sürüjisi bilen deňeşdirip bolmaz” – diýip, Hemilton belleýär.
40 ýaşly Hemilton “patyşalyk ýaryşlarynyň” ýedi titulynyň eýesidir, ol bir tituly “Maklareniň” we altysyny “Mersedesiň” düzüminde aldy, bu Mihael Şumaheriň rekordynyň gaýtalanmagydyr.
2024-nji ýyl möwsüminde Hemilton çempionatda ýedinji orny eýeledi.
Ol “Time” žurnalynyň täze sanynyň ýüzünde “Ferrariniň” sürüjisi hökmünde karýerasynda täze bir baby görkezýän gara atyň öňünde dur.
