Iki gezek Olimpiýa çempiony şwesiýaly Arman Dýuplantis şestli bökmekde özi tarapyndan goýlan dünýä rekordyny nobatdaky gezek täzeledi. Bu gezek ol rekordy Fransiýanyň Klermon-Ferran şäherinde geçirilen ýaryşda goýdy.
Türgen 6 metr 27 santimer beýiklikden geçdi. Dýuplantisiň öňki rekordy bir santimetr pes bolup (6,26), 2024-nji ýylyň 25-nji awgustynda Polşada geçen “Brilliant ligasy” tapgyrynda goýlupdy.
25 ýaşly Dýuplantis üçin bu dünýä rekordy karýerasynda 11-nji boldy. Ol 2021-nji we 2024-nji ýyllaryň Olimpiýa oýunlarynda ýeňiş gazandy. Şeýle-de, ol iki gezek dünýä çempiony (2022, 2023) we üç gezek Ýewropa çempiony (2018, 2022, 2024), ýapyk binada iki gezek dünýä çempiony (2022, 2024) we Ýewropa çempionydyr (2021).
