Türkmenistanyň hokkeý boýunça U-18 ýygyndysy Bangkokda ýetginjekleriň arasynda dünýä çempionatynda çykyş edýär. III Diwizionyň B toparynyň ýygyndylarynyň ýaryşlary 28-nji fewraldan 6-njy mart aralygynda geçiriler.
Türkmen hokkeýçileri bäş ýygyndy bilen duşuşar: Tailand, Lýuksemburg, Özbegistan, Günorta Afrika Respublikasy we Bosniýa.
Türkmen türgenleri birinji duşuşygyny 28-nji fewralda Lýuksemburga garşy geçirer. Duşuşyk Aşgabat wagty bilen 18:00-da geçiriler. Ýaryşyň ähli duşuşyklary Tailandda Halkara hokkeý arenasynda oýnalar.
Türkmenistanyň ýygyndysynyň duşuşyklarynyň tertibi (Aşgabat wagty bilen):
- 28-nji fewral, 18:00 – Türkmenistan – Lýuksemburg
- 1-nji mart, 18:00 – Türkmenistan – Tailand
- 3-nji mart, 14:30 – Türkmenistan – Özbegistan
- 4-nji mart, 14:30 – GAR – Türkmenistan
- 6-mart, 14:30 – Bosniýa – Türkmenistan
Ýaryşyň jemleri boýunça toparda birinji orny eýelän ýygyndy bir dereje ýokary galmaga we dünýä çempionatynyň indiki diwizionyna çykmaga hukuk gazanar.
