Apple taryhyndaky iň uly maýa goýumy yglan etdi. Kompaniýa geljek dört ýylyň dowamynda kremniý tehnologiýalaryna jemi 500 milliard dollar maýa goýar we önümçiligini ABŞ geçirer. Bu ädim täze iş orunlaryny döretmäge ýardam berer, şeýle-de ABŞ bilen Hytaýyň arasyndaky tehnologiýa babatdaky bäsdeşligi güýçlendirer.
Maýa goýumyň bir bölegi ABŞ-nyň Arizona ştatyndaky «TSMC Fab 21» zawodynda kremniý çiplerini öndürmäge gönükdiriler. Geçen hepde şol ýerde Apple çipleriniň köpçülikleýin önümçiligine başlanypdy. Bu taslama diňe bir tehnologiki taýdan däl, eýsem geosyýasy taýdan hem uly ähmiýete eýedir. Apple kompaniýasynyň üpjün edijileri ABŞ-nyň 12 ştatynda ýerleşýän 24 sany zawodda kremniý önümleriniň önümçiligini eýýämden ýola goýdular.
Apple 2026-njy ýylda Hýuston şäherinde täze serwer önümçilik sehini açmagy hem meýilleşdirýär. Täze sehde önümleriň energiýa tygşytlylygyna aýratyn üns berler.
Şeýle-de kompaniýa Apple TV+ hyzmatynyň goldawyny kämilleşdirmek üçin ABŞ-nyň 20 ştatynda maýa goýumlary amala aşyrar.
Bu giň möçberli maýa goýumlar Apple kompaniýasynyň ABŞ-daky ornuny has-da berkitmäge ýardam berer we olar innowasiýa, önümçilik we täze iş orunlaryny döretmek arkaly ýurduň ykdysady ösüşine itergi berer.
