ABŞ-nyň Prezidenti Donald Tramp ýurtda 5 mln dollara “altyn kartlaryň” berlip başlanjakdygyny aýtdy – olar daşary ýurtlulara ýurtda hemişelik ýaşaýyş ýeri üçin hukuk we amerikan raýatlygyny almaga mümkinçilik berer.
“Baý adamlar bu karty satyn alyp, biziň ýurdumyza geler. Olar üstünlik gazanar, köp pul sarp eder, köp salgyt tölär we köp adamlary işe alar. ABŞ bir million we ondan hem köp “altyn kart” satyp biler” – diýip, Tramp žurnalistler bilen duşuşykda aýtdy. Onuň bellemegine göä, maksatnama ýene iki hepdeden işe giriziler.
ABŞ-nyň söwda ministri Goward Latnik “altyn kartlaryň” 1990-njy ýylda işe girizilen häzirki EB-5 maksatnamasynyň ornuny çalyşmalydygyny belledi. Bu maksatnama daşary ýurtlulara ABŞ-a maýa goýumlar (ykdysady taýdan gowşak zolaklarda million dollardan gowrak ýa-da 800 müň) üçin grin-kartlary hödürleýär.
Häzirlikçe Trampyň administrasiýasynyň bar bolan maksatnamany kongresiň razylygy bolmazdan bes edip ýa-da üýtgedip biljekdigi belli däl diýip, Axios neşiri belleýär.
