«Nolen Royalty» lakamy bilen tanalýan işläp düzüji üýtgeşik Ping-Pong oýnuny döretdi. Bu oýun adaty brauzerde däl-de, 240 sany Google Chrome sahypasynda işleýär. «Faviconic Pong» diýlip atlandyrylan oýunda topuň hereketi sahypalaryň kiçijik ikonkalarynyň (favicon) üsti bilen görkezilýär.
Oýnuň meýdany iki bölege bölünýär. Aşaky bölegi Chrome brauzeriniň esasy penjiresinde görkezilýär. Ýokarky bölegi bolsa sahypalaryň ikonkalarynyň arasynda hereket edýär. Oýunda ähli gerekli zatlar bar: raketkalar, top we ballaryň hasaby. Iň gyzykly ýeri, oýundaky top diňe brauzeriň penjiresiniň içinde däl-de, sahypalaryň ikonkalarynyň arasynda-da gezýär.
Bu täsin taslamany döretmek üçin işläp düzüji macOS üçin AppleScript skript dilini ulanyp, animasiýa üçin ikonkalaryň tiz-tizden täzelenmegini ýola goýupdyr. Ol sahypalaryň sazlaşykly işlemegi üçin WebSockets ulanmady, deregine ýaýlym kanallaryny saýlady.
Nolen Royalty oýnuň entek diňe nusgalyk derejede galýandygyny aýdýar. Şeýle-de oýny diňe Mac kompýuterlerinde işledip bolýar, sebäbi oýun AppleScript diline garaşly.
Oýnuň doly kody GitHub platformasynda elýeterli.
