Deýmon Albarn, Keýt Buş we beýleki müňden gowrak sazanda “ümsüm albomy” çykardy

  • 27.02.2025 00:16
  • 2.5k+

Müňden gowrak sazanda, şol sanda Blur we Gorillaz toparlarynyň frontmeni Deýmon Albarn, Enni Lennoks we Keýt Buş “Bu biziň isleýän zadymyzmy?” (“Is this what we want?”) ady bilen bilelikdäki albomy çykardylar. Ýazgy onda aýdym-sazyň ýokdugy bilen tapawutlanýar – ol britan hökümetiniň emeli aňy (EA) işläp düzüjilere awtorlyk hukugy tarapyndan goralan eserleri ulanmaga rugsat bermek meýilnamasyna garşy nägilelik hökmünde çykaryldy. Bu barada BBC News habar berýär.

Albomda umumy dowamlylygy 47 minut bolan 12 aýdym bolup, olar doly ümsümligiň ýa-da konsert zallaryndan we studiýalardan nähilidir bir sesleriň ýazgysydyr. Ýazgynyň awtorlarynyň pikiriçe, awtorlyk hukugy baradaky kanuna giriziljek düzedişler hut şu ýagdaýa getirer.
Sazandalaryň nägileligine Beýik Britaniýanyň hökümeti tarapyndan ara alnyp maslahatlaşylýan kanun taslamasy sebäp boldy. Eger ol tassyklanan ýagdaýynda, EA-ny işläp düzüji kompaniýalar awtorlyk hukugyny berjaý etmezden internetde elýeterli bolan çeper eserleri, şol sanda aýdym-sazlary ulanyp biler. Şol bir wagtyň özünde, eserleriň hukuk eýeleri öz döredijiliginiň ulanylmagyny gadagan edip biler.
Ýöne kanun taslamasyny tankytlaýanlar ýazyjynyň, suratkeşiň ýa-da sazandanyň müňlerçe EA kompaniýalaryna öz döredijiligini ulanyp bilmejekdigi barada duýdurmaga mümkinçiliginiň ýokdugyny belleýär. Şeýle-de, olar öz işlerine näme bolandygyny we olaryň nähili ulanylýandygyny tutuş internetde yzarlap bilmez.
Öz gezeginde, Britaniýanyň ylym, innowasiýa we tehnologiýa departamenti kanun taslamasyny goldaýar we onuň pikiriçe, häzirki kanun “EA-a öz mümkinçiliklerini doly görkezmäge mümkinçilik bermeýär – bu beýle dowam edip bilmez”. Departament häzir maslahatlaryň we pikir alyşmalaryň geçirilýändigini, çözgüdiň bolsa ähli tarapy kanagatlandyrmalydygyny belledi.
24-nji fewralda The Times gazeti hem ýazyjylaryň we sazandalaryň EA bilen meşgullanýan kompaniýalaryň öz awtorlyk hukuklaryny “ogurlamagyna” ýol bermezlige çagyrýan hatyny neşir etdi. Hata Pol Makkartni, Sting, Dua Lipa, Stiwen Fraý, Tom Stoppard we beýlekiler gol çekdi.


düýn 12:06
1.9k+

Gemini «Google Kartalaryň» ähli hereket režimlerinde elýeterli boldy

Google «Google Kartalarda» ýöriteleşdirilen täze nawigasiýa ulgamyny giňden ornaşdyryp başlady. Indi goşundy awtoulag, pyýada, welosiped hem-de şäher jemgyýetçilik ulag ugruny görkezýän ähli režimlerde emeli aň tehnologiýasy Gemini-ni ulanar diýip, 9to5Google ýazýar...

düýn 11:28
948

OpenAI öz emeli aňy oturdylan enjamlarynyň ilkinji nusgalaryny döretdi

OpenAI kompaniýasy özüniň emeli aň bilen işleýän enjamlarynyň ilkinji prototiplerini taýýarlady. Bu barada kompaniýanyň baş direktory Sem Altman Apple-iň öňki baş dizaýneri Joni Aýw we Apple-iň merhum baş direktory Stiw Jobsuň aýaly Loren Pauell Jobs bilen söhbetdeşlikde mälim etdi diýip, CNBC habar berýär...

23.11.2025 01:01
4.6k+

Pol Makkartni aýdym-sazda emeli aňyň ulanylmagyna garşylyk hökmünde sessiz trek ýazga geçirdi

Öňki The Beatles toparynyň agzasy Pol Makkartni sözsüz we sazsyz, dowamlylygy 2 minut 45 sekunt bolan trek ýazga geçirdi (ýa-da döretdi). Şeýlelik bilen, sazanda ýewropaly kärdeşlerine goşulyp, aýdym-saz pudagynda emeli aňyň (EA) ulanylmagyna garşylyk bildirdi diýip, The Guardian ýazýar...

22.11.2025 14:33
2.5k+

Emeli aň “Time” tarapyndan “Ýylyň adamy” diýlip atlandyrylmaga dalaş edýär

Emeli aň “Ýylyň adamy” adynyň eýesi hökmünde Time amerikan žurnalynyň daşynda peýda bolup biler. Polymarket bukmeker agentligi şeýle ähtimallygy 37% diýip hasaplaýar. Bu ada eýe bolmak mümkinçiligi boýunça ikinji orunda Nvidia kompaniýasynyň baş direktory we esaslandyryjysy Jensen Huang ýerleşýär – 17%...