Režissýor Jeýms Kemeron Stuff neşiri bilen söhbetdeşlikde “Awatar: Ot we kül” (Аватар: Огонь и пепел) filminiň synag görkezişinden ilkinji täsirleri bilen paýlaşdy. Awtoryň aýtmagyna görä, tomaşaçylar haýran galýar.
“Seslenmelere görä, bu iň duýguly hem ähtimal, trilogiýanyň iň gowy filmi bolsa gerek. Men muňa begenýän” – diýip, Kemeron belledi.
Täze bölüm tomaşaçylary wulkanyň eteginde ýaşaýan söweşjeň Na’wi urugynyň dünýäsine äkider. Waka täze garaýşa eýe bolar: Jeýk Salliniň deregine ogly Loak gürrüň beriji bolar.
Häzirlikçe Kemeron beýleki maglumatlary gizlin saklaýar.
“Awatar 3-üň” premýerasy 2025-nji ýylyň 19-njy dekabryna meýilleşdirilýär. Muşdaklara Pandora syýahat garaşýar: 2029-njy ýylyň 21-nji dekabrynda dördünji bölüm, 2031-nji ýylyň 19-njy dekabrynda jemleýji bäşinji bölüm çykar.
