“Kapitan Amerika: Ajaýyp täze dünýä” (Капитан Америка: Дивный новый мир) blokbasteriniň kassa ýygymy 300 mln dollara golaýlaýar, ýöne ikinji uikendde (hepde soňunda) girdejiniň 68% pese gaçmagy onuň öz býujetini ödäp biljekdigine şübhe döredýär.
Deadline neşiriniň maglumatlaryna görä, filmi düşürmek üçin 180 mln dollar sarp edildi, ýöne goşmaça çykdajylary göz öňünde tutsaň, býujeti ödemek üçin, takmynan, 425 mln dollar gerek bolar.
Ilkinji dynç günleri film ABŞ-da 88 mln dollar ýygnady, ikinji uikendde bu görkeziji bary-ýogy 28,2 mln dollar boldy. Bu bolsa auditoriýanyň gyzyklanmasynyň ep-esli pese gaçandygyny görkezýär.
Umuman, dünýä boýunça lenta 289,4 mln dollar gazandy, şolardan 141,2 mln dollar içerki bazaryň paýyna düşýär. Ikinji uikendde umumy global girdeji 63,5 mln dollar boldy.
Aslynda, bäsdeşligiň ýokdugy sebäpli pese-gaçyş birneme haýal bolar diýlip çaklanypdy, ýöne analitikler şeýle pese gaçyşyň Marvel filmleri üçin täze kada öwrülendigini belleýär. Eger filme 450 mln dollar ýygnamak başardaýsa-da, bu häzirki depgini göz öňünde tutsaň, diýseň kynlyk bilen bolar.
