Netflix “Narniýanyň hronikalary” (Хроники Нарнии) boýunça sekiz film çykarmagy meýilleşdirýär. Bu barada IMAX-yň ýolbaşçysy Riç Gelfonda salgylanyp, Deadline habar berýär.
Gelfond kompaniýanyň sekiz film çykarmak isleýändigini we olaryň ählisiniň IMAX ekranlarynda görkeziljekdigini aýtdy. Gelfond muny uly premýeralar üçin tüýs laýyk gelýän format hasaplaýar.
Belläp geçsek, Klaýw Lýuisiň “Narniýanyň hronikalary” romanlary sekiz kitapdan ybarat. Ähtimal, Netflix, “Garri Potterde” bolşy ýaly, olaryň birini iki bölege böler. Kompaniýa häzirlikçe resmi taýdan hiç zat tassyklamady.
Ilkinji iki filmiň režissýory “Barbini” düşüren Greta Gerwig bolar. Birinji bölüm tomusda surata düşürilip başlanar, onuň premýerasy bolsa 2026-njy ýylyň 26-njy noýabryna meýilleşdirilýär.
“Narniýanyň hronikalary” boýunça ozal hem filmleriň düşürilendigi sebäpli, Netflix-iň taslamasy franşizanyň gaýtadan çykarylmagy bolar.
