“Anora” filmi garaşsyz kinoda gazanylan üstünlikler üçin berilýän 40-njy Independent Spirit Awards (“Garaşsyz ruh”) baýragynyň esasy ýeňijisi boldy. Režissýor Şon Beýkeriň bu kartinasy üç esasy baýragy aldy diýip, Variety habar berýär.
Film “Iň gowy film” nominasiýasynda tapawutlandy, Beýker “Iň gowy režissýor” boldy, baş keşbi ýerine ýetiren Maýki Medison bolsa esasy aktýorlyk baýragyny aldy.
Režissýor sahnada eden çykyşynda garaşsyz kinonyň ähmiýetini belläp, pudagyň ulgamlaýyn meselelerine ünsi çekdi.
Ikinji plandaky iň gowy aktýor baýragyny “Hakyky agyry” filminden Kiran Kalkin aldy. Filmiň režissýory Jessi Aýzenberg iň gowy ssenariý üçin heýkele mynasyp boldy.
Şeýle-de, “Sugun çagasy” serialyndaky aktýorlar üç baýraga eýe boldy.
Independent Spirit Awards baýragynyň ýeňijileriniň sanawy:
- ·Iň gowy film – “Anora” (Анора)
- ·Iň gowy režissýor – Şon Beýker (“Anora”)
- ·Iň gowy esasy keşp – Maýki Medison (“Anora”)
- ·Ikinji plandaky iň gowy keşp – Kiran Kalkin (“Hakyky agyry” / Настоящая боль)
- ·Iň gowy öňegidişlikli keşp – Meýsi Stella (“Meniň baýaky otyrýerim” / Моя старая задница)
- ·Iň gowy ssenariý – Jessi Aýzenberg (“Hakyky agyry”)
- ·Iň gowy ilkinji film – “Körpe dogan” (Младший брат)
- ·Iň gowy daşary ýurt filmi – “Akym” (Поток)
- ·Iň gowy täze serial – “Sýogun” (Сёгун)
- ·Täze serialda iň gowy esasy keşp – Riçard Gadd (“Sugun çagasy” / Олененок)
- ·Täze serialda ikinji plandaky iň gowy keşp – Nawa Mau (“Sugun çagasy”)
- ·Täze serialda iň gowy öňegidişlikli keşp – Jessika Ganning (“Sugun çagasy”)
- ·Täze serialda iň gowy aktýorlar düzümi – “Ýalňyzlykda nädip ölmeli” (Как умереть в одиночестве)
Bu baýrak 1984-nji ýyldan bäri hereket edýär. Baýragyň gowşurylyş dabarasy Kaliforniýa ştatynyň Santa-Monika şäherinde “Oskar” baýragynyň öňüsyrasynda geçirilýär.
