Prada modalar öýi we National Geographic Creative Works bilelikdäki gysga metražly filmleriniň üçünji bölümini çykardylar. Bu gezek taslamada aktrisa Sedi Sink çykyş etdi. Ol Meksikanyň La-Pas şäherine we Ýuwaş ummanyna syýahat etdi. Bu barada modalar öýüniň X sosial torundaky resmi hasabynda mälim edildi.
Taslamanyň täze bölüminde kit akulalary barada gürrüň berilýär. Kit akulalary dünýäniň iň uly balyklary hasaplanýar. Olar diňe planktonlar we suwotylar bilen iýmitlenip, ummandaky şeýle ösümlikleriň sanyny kadalaşdyrmaga öz täsirlerini ýetirýärler.
Häzirki wagtda bu jandarlar uly howp astynda. Şonuň üçin Prada Group, ÝUNESKO-nyň Hökümetara okeanografik komissiýasy bilen bilelikde «Sea Beyond» maksatnamasyny durmuşa geçirýär. Bu maksatnama deňiz ekosistemasy baradaky bilimleri jemgyýete giňden ýaýratmagy, adamlaryň okeanologiýa boýunça bilim derejelerini ýokarlandyrmagy we tebigy baýlyklary goramagy maksat edinýär.
Prada-nyň «Re-Nylon Collection» seriýasynyň girdejisiniň 1%-i «Sea Beyond» maksatnamasyna gönükdiriler.
Ýatlatsak, taslamanyň öňki bölüminde Benedikt Kamberbetç çykyş edipdi. Surata düşürmek işleri bolsa Norwegiýanyň Budýo şäherinde geçirilipdi.
