Mask X-i düşewüntli edip başardy, ýöne girdejisi şonda-da Twitter-iň derejesinden pes

  • 24.02.2025 14:00
  • 4.3k+

Ilon Maska degişli bolan X kompaniýasy 2024-nji ýyly 2,6 mlrd dollar girdeji bilen tamamlady, bu bolsa 2023-nji ýyldaky 2,96 mlrd dollar derejeden pesdir. Şol bir wagtyň özünde X 1,4 mlrd dollar möçberde düşewünt almagy başardy diýip, sosial ulgamyň maliýe görkezijilerine elýeterli bolan Bloomberg agentligi habar berýär.

Belläp geçsek, 2021-nji ýylda, Mask  Twitter-i satyn almazdan ozal, kompaniýa ýitgili bolup galsa-da, 5,1 mlrd dollar möçberde girdeji gazanýardy.
X-iň karz borçlary meseleli bolup galýar: olar girdejiden dokuz esse ýokary bolup, bank pudagynda kabul edilen kadalaryň çäginden çykýar. Muňa garamazdan, X-iň kapitalizasiýasy 44 mlrd dollara çenli ýokarlandy, bu bolsa Maskyň 2022-nji ýylda Twitter-i satyn alan wagtyndaky derejä gabat gelýär.
xAI kompaniýasy bilen hyzmatdaşlyk X-e hem peýda, hem çykdajy getirýär. Mysal üçin, xAI kompaniýasy X-e 65 mln dollar ygtyýarnama tölegini geçirip, 200 mln dollardan gowrak goşmaça girdeji bilen üpjün etdi. Ýöne xAI üçin gymmat bahaly tizleşdirijileri satyn almak üçin X ep-esli pul sarp etdi, bu hem onuň erkin pul serişdelerini 1,4 mlrd dollardan 400 mln dollara çenli azaltdy.
Maskyň syýasy işi käbir mahabat berijileri özüne çekip, beýlekileri bolsa ürküzip, X-e ters täsir edýär. Muňa garamazdan, Amazon, Apple, Kraft Heinz we Stellantis NV ýaly kompanialar öz mahabatlaryny platforma goşdy, bu bolsa maliýe akymyny güýçlendirip, berginiň üzülmegine kömek etmeli.


şu gün 09:52
187

Tesla-nyň paýnamalary Maskyň kömegi bilen gymmatlap, 2025-nji ýyldaky ýitgileriniň öwezini doldy

Duşenbe güni Tesla kompaniýasynyň baş direktory Ilon Mask 2020-nji ýyldan bäri ilkinji gezek, takmynan, 1 mlrd dollarlyk paýnama satyn alandan soň, kompaniýanyň paýnamalary sişenbe güni söwdada 8,7% gymmatlady...

10.09.2025 23:31
10k+

Larri Ellison bir günde 101 mlrd dollar baýap, Maskdan dünýäniň iň baý adamy adyny aldy

Oracle korporasiýasynyň ýolbaşçysy Larri Ellison Bloomberg-de baýlaryň sanawynda ilkinji gezek birinji ýeri eýeledi. Ol Tesla we SpaceX kompaniýalarynyň esaslandyryjysy Ilon Maskdan öňe geçdi. Agentligiň maglumatyna görä, Ellisonyň baýlygy 393 mlrd dollara ýetdi, Maskyň baýlygy bolsa 385 mlrd dollar boldy...

08.09.2025 17:13
11k+

Tesla Maska 10 ýyl zähmet hakyndan ýüz öwrüp, 1 trln dollarlyk paýnama almagy teklip etdi

Tesla-nyň müdirler geňeşi Ilon Mask üçin geljek on ýyla niýetlenen sylag meýilnamasyny hödürledi. Resminamanyň şertlerine görä, işewür zähmet hakyndan we bonuslardan ýüz öwrer, onuň deregine bolsa kompaniýanyň 1 trln dollarlyk paýnamalaryny alyp biler...

07.08.2025 12:58
4.8k+

Tesla Mask üçin täze 29 milliard dollarlyk bonusy tassyklady

Tesla öz esaslandyryjysy we baş direktory Ilon Maska 96 million paýnamanyň berilmegini tassyklady. Häzirki bazar bahalarynda olaryň bahasy 29 milliard dollardan geçýär. Bu barada kompaniýanyň paýdarlara ýazan hatynda aýdylýar...