Tesla kompaniýasy ABŞ-daky 380 müň awtoulagyny rulunyň dolandyryş ulgamyndaky näsazlyklary sebäpli, yzyna çagyryp başlady. Bu näsazlyklar ruluň pes tizlikde agyrlaşmagyna sebäp bolýar. Bu bolsa sürüjiniň ulagy dolandyrmagyny kynlaşdyrýar we bolup biljek heläkçilikleriň howpuny ýokarlandyrýar diýip, CNN habar berýär.
Bu mesele Ilon Maskyň kompaniýasy üçin nobatdaky kynçylyk boldy. Tesla köplenç programma üpjünçiligi we howpsuzlygy bilen bagly şikaýatlar bilen ýüzbe-ýüz bolýar. Bu näsazlyklar sebäpli, haýsy modellere zyýan ýetip biljekdigi barada anyk maglumat aýdylmaýar. Ýöne Tesla eýýämden ulaglaryň eýelerine habar berip başlady. Şeýle-de kompaniýanyň bu näsazlygy düzetmek üçin täze programma üpjünçiliginiň üstünde işleýändigi barada habar berilýär.
