«Serwerlerimiz ereýänçä»: Ilon Maskyň «iň akylly emeli aňy» Grok 3 hemmeler üçin mugt boldy

  • 22.02.2025 16:59
  • 5.6k+

Ilon Maskyň «xAI» atly startapy şu hepde hödürlenen Grok 3 emeli aň modelini «dünýädäki iň akylly emeli aň» diýip atlandyrdy we indi onuň hemmeler üçin mugt elýeterlidigini habar berdi. Emma bu mümkinçilik diňe «serwerlerimiz ereýänçä» dowam eder diýip, «xAI» duýdurdy.

«Ine ol, dünýädäki iň akylly emeli aň – Grok 3, indi mugt elýeterli (serwerlerimiz ereýänçä). Grok 3-i şu wagt synap görüň» — diýip, «xAI» startapy X sosial torunda beýan etdi.

Täze emeli aň modeli pikirlenmek, matematiki meseleleri çözmek, kompýuter kodlaryny ýazmak, bilim we görkezmeleri ýerine ýetirmek bilen baglanyşykly meselelerde bäsdeşlerinden has güýçli. Kompaniýanyň berýän maglumatlaryna görä, Grok 3 birnäçe synagda ýokary netijeleri görkezdi. «Chatbot Arena» platformasynda bu model Elo reýtinginde 1402 bal toplady. Ol bu görkezijisi bilen OpenAI GPT-4o (1377 bal) we Google Gemini 2.0 (1385 bal) ýaly modelleri yzda galdyrdy.
Grok 3 iki sany güýçli funksiýa bilen hem üpjün edildi: «DeepSearch» we «Think». DeepSearch – bu maglumatlary çalt seljerip, gapma-garşylykly hakykatlar we jedelli çekişmeler barada pikirlenip, çylşyrymly ýagdaýlardan dogry netijeleri çykaryp bilýän güýçli akylly agentdir. Think bolsa – emeli aňy has kämilleşdirýän tehnologiýadyr. Bu funksiýanyň kömegi bilen Grok 3 meseleleri çözmek üçin öz strategiýalaryny kämilleşdirmegi, yzyna gaýdyp ýalňyşlaryny düzetmegi we çözgüt tapmak üçin dürli usullary synap görmegi öwrendi.

«Edil adam ýaly, ol hem çylşyrymly meseläni çözýän mahaly birnäçe sekuntdan birnäçe minuda çenli pikirlenip biler, köplenç dürli çemeleşmeleri gözden geçirer, öz çözgüdüni barlar we meseläniň talaplaryny takyk ýerine ýetirmegiň ýollaryny seljerer» — diýip, «xAI» bu funksiýa barada düşündiriş berdi.

Häzirki wagtda Grok 3 ykjam goşundy hökmünde, web wersiýasy arkaly hem-de X platformasynda elýeterli. Şeýle-de «xAI» ýakyn wagtda bu emeli aň modeline API arkaly hem girip boljakdygyny mälim etdi. Ulanyjylar hem standart Grok 3 modelini, hem-de DeepSearch arkaly kämilleşdirilen wersiýasyny täze API arkaly ulanyp bilerler.


düýn 13:13
2.1k+

Adamlar ChatGPT-ä haýsy sebäpler bilen has köp ýüz tutýarlar?

OpenAI-iň gözlegçiler topary ulanyjylaryň ChatGPT-ä 1,5 mln ýüz tutmasyny seljerip, adamlaryň çat-bota ýüzlenmeginiň iň esasy sebäpleriniň sanawyny düzdi. Bu adamlaryň guraly hakykatda nähili ulanýandygyny görkezýän ilkinji uly barlag boldy diýip, The Independent habar berýär...

düýn 11:28
2.3k+

OpenAI Apple-iň öňki dizaýneri Joni Aýw bilen bilelikde täze akylly kolonkalary we äýnekleri taýýarlaýar

OpenAI Apple-iň öňki baş dizaýneri Joni Aýw bilen bilelikde akylly enjamlaryň hataryny çykarmaga taýýarlanýar. The Information neşiriniň maglumatlaryna görä, ilkinji önüm displeýsiz akylly kolonka bolup biler. Beýleki önümleriň hatarynda äýnek, sanly diktofon we ýanyňda göterilýän "pin" agzalýar...

22.09.2025 18:08
1k+

Google kompaniýasy Gemini-ni göni Chrome-a birleşdirýär: ol ulanyjylaryň işini aňsatlaşdyrar

Google kompaniýasy macOS we Windows kompýuterlerinde täzelenen Gemini emeli aňyny Chrome bilen birleşdirip başlady. Hyzmat eýýäm ABŞ-da ulanyjylar üçin elýeterli bolup, ýazylmagy talap etmeýär. Täze EA agenti açyk sahypalary we brauzeriň taryhyny görüp biler...

20.09.2025 18:01
2.1k+

OpenAI aýratyn interfeýsli we ene-ata gözegçiligi bolan ChatGPT-niň çagalar wersiýasyny döreder

OpenAI kompaniýasy "ChatGPT-niň çagalar interfeýsiniň" üstünde işleýär we ulanyjylary ýaşy boýunça awtomatiki tertipleşdirmegi meýilleşdirýär. Munuň üçin ýaşy çaklamak tehnologiýasy ulanylar. Ulgam ulanyjynyň ýaşyny takyk kesgitläp bilmese, ulanyjy 18 ýaşdan kiçi wersiýa ugrukdyrylar...