Hyundai Ioniq 5 N TA Spec Ýaponiýanyň meşhur Tsukuba ýaryş ýolunda täze rekord goýdy. Ol bu ýoly bary-ýogy 57,446 sekuntda geçdi diýip, «HotCars» habar berýär.
Geçen ýyl Tesla Model S Plaid şol ýaryş ýoluny 59,598 sekuntda geçipdi.
Hyundai bu üstünlige ýetmek üçin Ioniq 5 N modeline käbir kiçi üýtgetmeleri girizdi. Kompaniýa ulagyň yzky hereketlendirijisiniň kuwwatyny artdyrdy. Indi ol 687 at güýjüne çenli güýç öndürip bilýär. Şeýle-de awtoulag sport tormozlary we aerodinamiki toplum bilen enjamlaşdyryldy.
Rekord goýan Ioniq 5 N TA Spec ulagynyň sürüjisi tejribeli ýaryşçy Nobuteru Tanigutidi. Onuň aýtmagyna görä, ulag ýolda örän durnukly saklanýar we ýokary tizlikde-de dolandyryşy elden bermeýär.
