Geçen ýylyň jemi boýunça dünýäniň iň uly awtoöndürijileriniň arasynda hytaý kompaniýalary öz satuwyny ep-esli artdyrmagy başardy. Uly ösüşi, esasan, BYD Auto we Geely Holding konsernleri görkezdi diýip, açyk maglumatlara salgylanyp, RIA Nowosti habar berýär.
Geçen ýyl bu iki kompaniýa satuw boýunça öz rekordlaryny goýdy. BYD Auto 4,52 million täze awtoulag satdy – bu 2023-nji ýyl bilen deňeşdirilende, 1,4 million köpdür. Geely Holding bolsa satuwyny 538,3 müň birlik, 3,31 milliona çenli artdyrdy.
Mundan başga-da, geçen ýylyň jemi boýunça Ford amerikan kompaniýasy oňyn depgini hasaba aldy. Onuň satuw ösüşi 39,9 müň birlik bolup, 4,08 million awtoulaga ýetdi.
Şol bir wagtyň özünde, Ýaponiýanyň Toyota kompaniýasy satuwy 900 müň awtoulag – 9,63 milliona çenli azaltdy. Bu antireýtingde amerikaly GM Group (615,2 müň, 5,44 million awtoulaga çenli pese gaçyş) we niderlandly Stellantis (527 müň, 5,44 million awtoulaga çenli) hem bar.
Şeýle-de, geçen ýylyň jemi boýunça satuwda pese gaçyşy fransuz Renault-Nissan-Mitsubishi (143 müň, 5,15 million awtomobile çenli pese gaçyş), nemes Volkswagen Group (160 müň, 8,52 milliona çenli), ýapon Honda (180,6 müň, 3,81 milliona çenli) we günorta koreýaly Hyundai (290,5 müň, 6,47 milliona çenli) hasaba aldy.
