Magtymguly adyndaky Türkmen döwlet uniwersiteti «Güneş» žurnaly bilen bilelikde bäsleşik yglan etdi

  • 19.02.2025 15:39
  • 3.5k+

Magtymguly adyndaky Türkmen döwlet uniwersiteti «Güneş» žurnalynyň redaksiýasy bilen bilelikde, 2025-nji «Halkara parahatçylyk we ynanyşmak» ýyly mynasybetli, ýurdumyzyň umumybilim berýän mekdepleriniň okuwçylarynyň arasynda «Külli ynsan hakyna belent maksat tutany — Türkmenistan — parahatlyk, ynanyşmak Watany!» atly şygyr we makala ýazmak boýunça bäsleşik yglan etdi. Bu barada uniwersitetiň metbugat gullugynda habar berdiler.

Bäsleşige awtoryň öň hiç ýerde çap edilmedik 1 şygry ýa-da makalasy hödürlenip bilner.
Bäsleşige gatnaşmaga isleg bildirýän awtor baradaky maglumatlar makalanyň ahyrynda doly görkezilmeli.
Hödürlenilýän şygyr ýa-da makala awtoryň okuw mekdebiniň salgysyndan ýa-da şahsy elektron salgysyndan «Güneş» žurnalynyň (gunesh_tm@sanly.tm) ýa-da Magtymguly adyndaky Türkmen döwlet uniwersitetiniň (turkmenuniwersitetitdu@gmail.com) elektron salgysyna iberilmeli.
Materiallar 2025-nji ýylyň 17-nji fewralyndan 2025-nji ýylyň 1-nji maýyna çenli kabul edilýär.
Bäsleşigiň netijeleri baradaky maglumatlar Magtymguly adyndaky Türkmen döwlet uniwersitetiniň resmi web saýtynda (tdu.edu.tm) ýerleşdirilýär.
Şygyr we makala bäsleşiginiň jemi boýunça Baş baýrak we 1-nji, 2-nji, 3-nji orunlar bellenilýär.
Ýeňijiler 2025-nji ýylyň maý aýynyň birinji ongünlüginde yglan edilip, Magtymguly adyndaky Türkmen döwlet uniwersitetiniň we «Güneş» žurnalynyň redaksiýasynyň Hormat hatlary hem-de Magtymguly adyndaky Türkmen döwlet uniwersitetiň Kärdeşler arkalaşygynyň ilkinji guramasy tarapyndan sowgatlar bilen sylaglanylýar.
Habarlaşmak üçin telefon belgisi: 38-61-70.


şu gün 08:56
125

Türkmenistanly talyp "ýylyň öwrülişigi" üçin «RF-niň ýylyň daşary ýurtly talyby» bäsleşiginde ýeňiji boldy

Türkmenistanly talyp Igor Ýermolaýew «Russiýa Federasiýasynyň ýylyň daşary ýurtly talyby» atly ählihalk bäsleşiginiň «Ýylyň ylmy öwrülişigi» atly ugry boýunça ýeňiji boldy. Bu barada uniwersitetiň Telegram-kanalynda habar berildi...

düýn 22:13
1.4k+

Türkmenistanly talyp «Future Skills Sprint» atly halkara bilim maksatnamasyna gatnaşdy

Türkmenistanyň Oguz han adyndaky Inžener-tehnologiýalar uniwersitetiniň 4-nji ýyl talyby Aýsoltan Annamämmedowa 20 – 22-nji noýabr aralygynda Stambul (Türkiýe) şäherinde geçirilen «Future Skills Sprint» atly halkara bilim başlangyjynyň çäklerindäki okuwlara gatnaşdy...

düýn 22:10
1.8k+

Türkmenistanda mekdebe çenli bilim boýunça täze okuw gollanmasy neşir edildi

Türkmenistanda «Mekdebe çenli terbiýäni guramak we dolandyrmak» atly täze okuw gollanmasy neşir edildi. Ol Seýitnazar Seýdi adyndaky türkmen döwlet mugallymçylyk institutynyň pedagogika kafedrasynyň uly mugallymy N...

24.11.2025 00:01
4.6k+

Türkmenistanyň DIM-niň HGI Fransiýanyň öňdebaryjy ýokary okuw mekdepleri bilen hyzmatdaşlygy ýola goýýar

«Türkmen-Fransuz gatnaşyklary: häzirki zamanyň kynçylyklary we geljegi» atly maslahatyň çäklerinde, Türkmenistanyň Daşary işler ministrliginiň Halkara gatnaşyklary institutynyň rektory Gülşat Ýusupowa Parižde Fransiýanyň...