Koreýa Respublikasynyň Türkmenistandaky ilçihanasy 2025-nji ýyl üçin Döwlet talyp hakly magistrlik maksatnamasyna arzalaryň kabul edilip başlandygyny habar berdi. Seçip alyş işleri Koreýa Respublikasynyň Bilim ministrliginiň ýanyndaky Milli halkara bilim instituty (NIIED) tarapyndan amala aşyrylýar. Bu barada ilçihananyň resmi saýtynda habar berilýär.
Maksatnama bir ýylyň dowamynda koreý dilini öwrenmek boýunça okuwlary, soňra bolsa aşakdaky esasy okuw maksatnamasyny göz öňünde tutýar:
- magistratura üçin - 2 ýyl;
- doktorantura üçin - 3 ýyl.
Bäsleşik esasynda 6 dalaşgär saýlanar, olara 14-nji martdan soň habar ediler. Dalaşgärlere bildirilýän talaplar: 40 ýaşa çenli (1985-nji ýylyñ 1-nji sentýabryndan soň doglanlar) Türkmenistanyñ raýatlary arzalary tabşyryp biler:
- magistrlik üçin - bakalawr derejesine eýe bolanlar ýa-da ony 2025-nji ýylyň 31-nji iýulyna çenli aljaklar;
- doktorlyk üçin - magistr derejesine eýe bolanlar ýa-da ony 2025-nji ýylyň 31-nji iýulyna çenli aljaklar.
Resminamalary tabşyrmak möhleti: 2025-nji ýylyñ 7-nji martyna çenli. Arzalar hut ilçihananyñ özünde kabul edilýär. Dalaşgäriñ özüniň baryp bilmedik ýagdaýynda, resminamalary poçta arkaly ugratmak mümkinçiligi bar (arzalar elektron poçta arkaly kabul edilmeýär).
Goşmaça maglumatlary +99365857173 (09:00-dan 18:00-a çenli) telefon belgileri boýunça alyp bolýar.
Resminamalar bilen ilçihananyñ saýtynda tanşyp bolýar.
