Aşgabatda orta hünär okuw mekdepleriniň arasynda sanly ykdysadyýet boýunça olimpiadanyň jemleri jemlenildi

  • 18.02.2025 18:34
  • 5.8k+

Aşgabatda Türkmenistanyň Bilim ministrliginiň goldamagynda Aşgabadyň maliýe-ykdysady orta hünär okuw mekdebi, şeýle hem Türkmenistanyň Magtymguly adyndaky Ýaşlar guramasynyň Merkezi geňeşi tarapyndan bilelikde guralan «Bilim – bagtyň çyragy» atly olimpiadanyň jemleri jemlenildi.

Olimpiada Aşgabadyň maliýe-ykdysady orta hünär okuw mekdebinde Türkmenistanyň ýöriteleşdirilen orta hünär okuw mekdepleriniň okuwçylarynyň arasynda sanly ykdysadyýet boýunça geçirildi. Ol Türkmenistanyň hemişelik Bitaraplygynyň 30 ýyllygy, şeýle hem 2025-nji – Halkara parahatçylyk we ynanyşmak ýyly mynasybetli guraldy.
Bäsleşigiň netijeleri boýunça 16 baýrakly orunlar kesgitlendi.
Bäsleşikde birinji orny üç okuwçy: Aşgabat maliýe-ykdysady orta hünär okuw mekdebiniň okuwçysy Selbi Italmazowa, Mary welaýat maliýe-ykdysady orta hünär okuw mekdebiniň okuwçylary Merýem Jelalowa we Täçnabat Atajanowa dagy eýeledi.
Ikinji orunlary bäş okuwçy gazandy: Aýgül Hudaýberdiýewa (Mary welaýat maliýe-ykdysady orta hünär okuw mekdebi), Mähri Haşymowa, Umida Abduraimowa, Selbi Hudaýbergenowa (Lebap welaýat maliýe-ykdysady orta hünär okuw mekdebi) we Mähri Amansähedowa (Aşgabat maliýe-ykdysady orta hünär okuw mekdebi).
Üçünji orunlara sekiz okuwçy mynasyp boldy. Bular Bagtygül Çäşemowa (Aşgabat maliýe-ykdysady orta hünär okuw mekdebi), Akbäbek Öwezowa, Kümüş Abaşowa (Daşoguz welaýat maliýe-ykdysady orta hünär okuw mekdebi), Annabagt Mämmedorazowa, Haýrat Nurgeldiýewa (Balkan welaýat maliýe-ykdysady orta hünär okuw mekdebi), Gözel Hallyýewa, Annagurban Garalyýew, Sona Jumagulyýewa (Türkmenistanyň Söwda we daşary ykdysady aragatnaşyklar ministrliginiň Söwda-kooperatiw mekdebi).
Ýeňijilere degişli derejeli diplomlar we olimpiadanyň guramaçylarynyň ýadygärlik sowgatlary gowşuryldy.


düýn 12:33
3.7k+

Türkmenistanda ýokary okuw mekdepleri üçin sungatyň taryhy boýunça okuw kitaby

Türkmenistanda «Ylym» neşirýaty tarapyndan «Umumy sungat taryhy» okuw kitaby neşir edildi. Bu kitap ýokary okuw mekdepleriniň «Binagärlik», «Binagärlik gurşawynyň dizaýny» hem-de «Şähergurluşyk we ilatly ýerleri meýilleşdirmek» hünärleri üçin niýetlenendir diýip, Türkmenistanyň Bilim ministrliginiň metbugat gullugy habar berýär...

25.08.2025 07:38
4.6k+

Magtymguly adyndaky Türkmen döwlet uniwersitetinde bilim işgärleriniň maslahaty geçirildi

23-nji awgustda Magtymguly adyndaky Türkmen döwlet uniwersitetiniň mejlisler jaýynda ýurdumyzyň bilim işgärleriniň maslahaty geçirildi. Maslahat 2024-2025-nji okuw ýylynyň jemlerini jemlemäge hem-de täze, 2025-2026-njy okuw ýylynda öňde durýan wezipeleri ara alyp maslahatlaşmaga bagyşlandy...

22.08.2025 15:55
1.9k+

Ýaponiýanyň ilçihanasy ýapon dil bilimini bahalandyrýan synag üçin arzalary kabul edip başlady

Japanese-Language Proficiency Test (JLPT) synagyna arzalar kabul edilýär. Bu barada Ýaponiýanyň Türkmenistandaky ilçihanasy habar berdi. Hasaba alnyş 25-nji awgustan 1-nji sentýabra çenli dowam eder. Bellenilişi ýaly, synag şu ýyl ikinji gezek geçirilýär...

22.08.2025 07:45
7.1k+

Türkmen okuwçylary mental arifmetika boýunça dünýä rekordyny goýdular

21-nji awgustda Aşgabatda geçirilýän «Kids Expo: hemme zat çagalar üçin» atly halkara köpugurly sergi-ýarmarkasynyň çäklerinde mekdep okuwçylarynyň arasynda Mental arifmetika boýunça bäsleşikler guraldy. Türkmenistanyň...